5 ივლისს ილიას სახელმწიფო უნივერსიტეტის და გეორგ-აუგუსტის გიოტინგენის უნივერსიტეტის (გერმანია) ერთობლივი ტრანსდისციპლინური საერთაშორისო სადოქტორო პროგრამის კარლ ფრიდრიხ ლემან-ჰაუპტის საერთაშორისო სადოქტორო პროგრამის დოქტორანტ სალომე მჭედლიძის სადოქტორო ნაშრომის „ The Evolution of Cosmological Magnetic Fields in Expanding Universe “ დაცვა გაიმართა.
პროგრამა დოქტორანტს შესაძლებლობას აძლევს, კოტუტელის პრინციპზე დაფუძნებული მოდელით დაიცვას ნაშრომი და მიიღოს ორმაგი სადოქტორო ხარისხი და ორივე უნივერსიტეტის დიპლომი.
სამეცნიერო ხელმძღვანელი გეორგ-აუგუსტის გიოტინგენის უნივერსიტეტიდან: პროფესორი, დოქტორი იენს ნიმაიერი (UGOE)
სამეცნიერო ხელმძღვანელი ილიას სახელმწიფო უნივერსიტეტიდან: პროფესორი, დოქტორი თინათინ კახნიაშვილი (ISU)
დისერტაციის დაცვა მოხდა ინგლისურ ენაზე ჰიბრიდულ რეჟიმში – ილიას სახელმწიფო უნივერსიტეტის საბჭო დაცვას ფიზიკურად ესწრებოდა, ხოლო გეორგ-აუგუსტის გიოტინგენის უნივერსიტეტის (გერმანია) სადისერტაციო საბჭო მონაწილეობას ონლაინ რეჟიმში იღებდა.
დისერტაციის დაცვამ წარმატებით ჩაიარა. რის შედეგადაც, სალომე მჭედლიძის ნაშრომს ილიას სახელმწიფო უნივერსიტეტის სადისერტაციო საბჭოს მხრიდან უმაღლესი შეფასება „Summa Cum Laude” , ხოლო გიოტინგენის უნივერსიტეტის სადისერტაციო საბჭოს მხრიდან შეფასება „Magna Cum Laude” მიენიჭა.
2023
